餐廳奇遇之 【跟我做個friend】

《前言》

赴會前，各方友好通過各種渠道叮囑小女子我

- 下！你單拖赴會牙，咁薑！話我知去邊間，我坐你隔離枱膀著你。
(但我覺得你想黎睇戲多D囉！)
- 去完洗手間，枱上既飲品唔好再飲
- 唔好比佢車你返屋企
- 電話長開，唔該
- 唔好去D山卡啦既地方呀
- 唔好著高踭鞋，著平底啦，跑得快D呀
- 食完飯打俾我，等我知你安全
- 萬事小心

~ 多 謝 大 家 關 心 ~
==================================================
我依時到達Galano，伯伯已經等待中。握手加上客套話熱身後，兩個半小時的光景裡，作主導的其實是我，進餐加上訪談，時間也過得很快。因為我想用說話把尷尬的氣氛沖淡，他是一位老人，說的是老話、腦內的是老思想、示好的方法是老方法。
做朋友，不打緊....
但真的只是做朋友囉！
==================================================
翌日上班MSN的會議裡，
(節錄如下：)

D：早晨，朋友們！
J：點呀禽晚？無事丫嘛？uncle係咪契你做女呀？
D：我可以肯定佢係無仔既，而且佢無諗住介紹男仔比我！因為佢有興趣果個係我！
J：下！點呀點呀？佢都老當益壯喎！
D：我當然發揮我小記者既本色啦！問題一個接住一個，無比佢停過，因為我唔想佢問我野丫嘛！
J：嘩！仲死呀！佢以為你對佢好有興趣…係咁問人野…
D：唉！因為我唔想有dead air丫嘛！大家都唔講野，死得啦！佢係咁望住我！
J：嘩…
E：你不停問佢野牙？
D：係呀！我只不過想緩和下過氣氛啫！
C：咁你對佢既background了解左好多啦！
D：簡直唔做記者sin晒呀我！
J：靚唔靚仔架？
D：NO.
J：咁呢d飯食一次就夠咯...
D：我當然係咁諗啦！但佢已經攞本schedule出黎，即刻約我下次食飯啦！
J：嘩！乜咁進取呀！
D：佢問今個friday，我話唔得！
D：咁佢話復活節紅日果幾日，我話要拜山！
J：攞你命三千喎…佢究竟幾老？
D：李小龍是他同學，你驚唔驚呀！
J：嘩…
D：你‘嘩’夠未呀？我都唔知自己做錯d乜，個天要咁玩我。
J：咁佢都係五十幾歲之嘛...
D：sorry，以我推斷佢應該六十有七喇！
J：咁你仲問左佢d咩野？
D：嗯....我都唔記得由邊到講起喇！都係d醫生野呀！佢住邊，幾點起身，做d乜，去邊到食早餐，食晏，個女點、個孫又點，阿女婿又點，總之由讀書講到去英國讀大學，再去美國執業，又返番黎hk，又對家下醫療政策既見解，養和醫院既收費問題，以至家下恆生d股票.........我其實都好攰囉！
D：我其實應該睇下明週請唔請我！
C：但係你冇幫我問下佢浸會婦產科好唔好呢？
D：下！無喎！
J：哈…我諗佢會好欣賞你，咩都同佢傾得，又對佢咁有興趣...
D：唉！門面野黎啫！下次邊得黎咁多野講丫！
J：好難講，下次咪到佢問返你囉！
D：咁未大煲囉！
J：真係攞命…

(網上論壇開左成朝，大家既總結係今晚我一定要買六合彩！)

D.