慘不忍睹~~~

家下睇「歡樂滿東華」，確實好歡樂。

"黎。講下我地既捐款熱線先，1878 333，130條線，等住你地打黎喇~"

汪阿姐、家燕媽媽、獎門人、鄧梓鋒就當然唔少得啦！
為善最樂既一班總理，就梗係要進行支票遞交儀式架喇！
邊個邊個捐出既畫呀、玉如意呀，就一定等你地班善長人翁價高者得架啦！
黃生 100 徐小姐 200 張宅 1000 無名氏 500 陳記海鮮 800 何小明小朋友 100 古小姐 100..........嘩嘩嘩！D善長係咁聲緊出黎喇~~~

四個女仔食飽又話籌款，Sa嬌二人組打側手翻踢爆d瓦煲，寓意打爆個捐款熱線。嘩！無聊到爆多d喎！英皇一姐加三隻太陽之子唱住歌，又噴火，又赤腳走火堆，玩完喇，自己老闆捐番錢！！！楊生確係出錢出力喎！(人力物力出齊)！
Stephy、小方配合釘床、鐵鏈、又出水、又玩火，仲要配合大家營造出黎既「緊湊」氣氛！
嘩！搞到我幾緊張呀？

浸住d冰，食一個甜筒一皮呀！
人地一上冰，第一句，「黎！問下佢地d感受先？」
哈哈！佢地咩感受我唔知！
而我既感受係，其實大家都係變態既，既無意義，亦無意思既行為，總理捐錢黎比d觀眾睇下，何為虐待囉！

美女廚房、志雲飯局今年咁爆，又點會無呢？
咁當然，成晚最精彩既莫過於「空中飛人樂斌Fun」呢個環節啦！小意外喎，總理捐多廿萬喇！Yumiko，唔好唔開心，聽日娛樂頭版見啦~

好喇！做完晚間新聞喇，祥哥要出場喇~
祥哥，我地永遠懷念你！

一個節目要撐到半夜三點，就當然乜野垃圾都共冶一爐啦！
精彩過台慶呀！YO~