芳齡十八

認識一位十八歲的小妹妹，成人禮，她爸送她一枚卡地亞手錶。我在想，時下的年青人，一身LV，GUCCI，還要帶隻卡地亞，富貴至此，反而本末倒置了點。年青人有青春作本錢，青春本是無價，現在身懷「無價」加上「貴價」，或者你已覺得無敵啦！但我會覺得膚淺囉！錢又不是你賺的，虛榮些什麼呢？當然，你有本錢選擇膚淺，我尊重你們的選擇。我無野驚，驚你比人打劫咋，妹妹。
對不起，我不懂為何一件Number(N)ine X Bape Tee要賣$1,080，一件Supreme Tee又要$980，t-shirt一件，你話款好靚，又唔多覺喎，乜咁都叫款牙？質地絕佳咩，係未一世唔穿唔爛先？我知，我知，你地鐘意就乜都得！你地覺得值又得，但係咁細過，唔可以「無知」架喎！你阿爸阿媽唔係汶萊國皇播，包你衣食無憂仲唔夠，仲要包埋你既「威」同「型」咩？

人是潮流的產物，我當然知。我不會虛偽地說我不虛榮，不過尺度我懂得拿捏。你叫我用幾萬銀買個CHANEL手袋黎用用，襯襯。咁應該買個印有大大LOGO的，還是低調既淨皮款呢？我要show我既虛榮，梗係買個大咁大得咁大架啦！買無LOGO既，玩有型格，咁又使乜用幾皮野黎買你既低調呀？

商人當然超級成功啦！如此一石二鳥，你拎住大大個LOGO袋，又難得你肯比錢搶住黎做佢人肉宣傳大使，佢仲唔贏晒咩！

係架！名牌之所以係名牌，佢既威力就在於，大家都心甘命抵比錢黎宣揚它的「名」囉！你話佢地D心理戰術幾咁超班呢~

D.