所見所想

人，生出有把口。
除非有口難言，不然道人是非，乃人之最愛。

是日，去稻香午膳，我上一轉洗手間，同事已order完成。
第一道是香蒜娃娃菜，再來蝦餃、燒賣各一籠，最後上了一個燒雞餐。
燒雞餐，是半隻燒雞加一窩米線。無錯，是一窩。是足夠3個成年人，食到反肚的。
我倆，別說一半，連三分一都吃不到。
浪費，基本上我不太喜歡，但米線，我思前想後也不知如何帶走，所以最終也捧著肚子吃多三條，減低罪惡感。

抬頭望見告示牌寫著
【請勿猜拳 No Fingers-guessing game】
YEAH!又學多一樣野 ^^

基於我坐在房裡，桌子與桌子之間，近得很，隔壁人家的說話，全數掉進我的耳內去。不想聽也難……
(又發覺每檯總有一個人，作主導的，就像會考oral一樣，而我總是在旁邊說I am agree with u /It's good idea 果d人^^)

1.
人物：四位45歲以上無業阿太
衣飾：五顏六色著晒上身，再混雜光彩奪目、真假難分的飾物
話題：
太太甲 - 你都唔知我個仔既女朋友，幾慳呀！仲慳過我呀.........
太太乙 - 咁未好囉！靚唔靚架？係未之前果個呀？
太太甲 - 唔係之前果個啦！呢個幾好架，上次我地飲茶行街，佢同阿仔講："嘩！你媽媽買野仲快手過你呀！"
其實都岩架喇！全屋就係爭敢個慳家既人。
太太丙 - 咁你新抱又幾好喎！
太太甲 - 唔係新抱呀！女朋友咋嘛！不過佢好叻架！Kong U架！我好佩服佢阿媽架，生3個女，都係Kong U 畢業既！佢阿媽教得好呀！
太太丁 - 咁靚唔靚女呀？
太太甲 - 佢好純架個樣，咁靚仲乜丫？咁靚唔好既，咁靚，好煩架！多人追，多選擇，好易變心架！
太太乙 - 唉！要變既，靚唔靚都會變架啦！.......(下刪偉論一千字)
埋單時—
太太丙 - 今餐我埋啦！下次先到你地啦！
甲,乙,丙 - 好啦！好啦！
太太甲 - 最鐘意黎呢度飲茶架喇，又平又剩....(下刪美言五百字)
太太丁 - 係啦係啦！d叉燒飽又好新鮮，d肉又精美。(無錯，佢係講精美)

我望住佢地，好驚廿年後的自己，變成同類。

2.
人物：三位50歲以上阿叔
衣飾：無乜特別睇頭，不過最多野講果個是位潮州怒漢
話題：
阿邊個邊個有錢，我識得，十幾廿年前又點點點.....
阿邊個係佢既契家婆...
我地呢d唔係話好有錢，但求有餐飯食下架姐.
果個女既，叫乜名呀，啊...曹xx，佢果時跟啊邊個果陣，竟然問人一個月有幾錢收入喎！幾攪笑.
呢..果次食飯，佢帶幾多女黎呀，仲搵撈時耐時黎接送....
車...，撈時耐時，租架咋嘛。佢未鴇母黎.

我突然覺得自己好似好似一個八盡娛樂圈既小娛記咁呀！

又：回程途中，海港城裡遇見孫X君，她帶著一副掩去她三分一美顏的太陽鏡，手挽著一個中年漢子。
登時有點感觸，究竟女人的名聲，是否重要呢？

D.