我入左這個會！

某天，我失驚無神加入了這個會---「麥樂會」。

事原是我某日午膳，唔知點解好自然落左黎麥當當，排隊之際，PR小姐就走來問我可有興趣加入麥樂會呢？

我：下！加入左有乜野優惠呀？點入會架呢？

答：喔！入會送你好多coupons架，又會送個魚柳飽餐比你，又有個公仔送番比你，有紅髮叔叔、阿飛、肥嘟嘟同飽都好偷既小賊~

做2007年既會員，宜家又開始接受報名喇！

我：咁入會要幾多錢呢？咁個魚柳飽餐可唔可以即刻食架？

答：比25蚊一年入會同埋填張form就得架喇，個魚柳飽餐可以宜家食架！

我：咦！25蚊又幾抵喎，淨係買個魚柳飽餐都要21.3啦！好！快D拿拿淋比張form我填啦，我要入會喇！

就係咁，我擺低左25銀，又有得食，又有得玩，又拎左一疊優惠卷，外加多左一重身份。

抵晒~

D.