Go！大暴走~

昨日，如你看見一名妙齡女子披頭散髮由中環7號碼頭極速狂奔到2號碼頭的；
告訴你，那個是我。

早上9:45分，由尖沙咀上船過中環，
9:55分，朋友打黎：喂你到邊呀？10點開船喇喎，你要跑過黎喇~
我：下！唔係下嘩~我船又未埋岸，跑過黎，不如游過黎會唔會快D呀？
朋友：唔理你呀，我地上晒船架喇，你上唔倒，等下班呀！
我：(無言！)

於是，一出閘，我就當然一馬當先跑出啦！在頭果200米，我還能健步如飛的，但....我今朝早餐只吃了一包樂天熊仔餅咋喎。於是，步速就逐漸放慢，但還是繼續跑跑跑.......

頂~跑左咁耐都係到5號碼頭架..究竟幾時先到架！
在我喪跑的沿途，竟有一些老外給我打氣，但我真係無晒氣喇~~~~

嘩！大大隻2字終於出現我眼前喇，我仲聽倒由船發出的一聲長嗚，死喇，船開喇，船開喇！
我唔係真係要一丁友係個碼頭到，坐半粒鐘等下班下嘩！
唔得！
於是，我一路跑，一跑不顧儀態的大喊：等埋我呀！等埋我呀！

終於，我成功上到船喇！
柏麗灣，I am coming~~~

D.