資優

我有幸認識一位資優生，今年八歲，智商超過百四，爸爸是位醫生，媽媽是位公司高層。入讀名校，考試如果不是一百分，那次是因不小心。
三歲他就如一位大人，母親叫他做什麼，如果不如他願，他會大聲說：「點解你成日迫我做D我唔鐘意既野架？」呢句說話，大家都可能成日會問，但是出自一位三歲小豆釘口中，就確實有點奇聞。

唉！只可惜，這一塊上等的瑰玉，被人憐掬在掌心，已續漸失去發光發熱的潛能。

昨晚，他媽媽交托我一個重任。要我和這個晚晚喊打喊殺，才把功課做妥的小魔王一起把是日功課完成！天呀！要知道這個任務是何等的艱辛！！！

好！等我講你知，現在的他，是如何的難搞吧！

首先，要我給他一句評語的話，我會說：「他是癲的！」
以下是我和C.的對話 (註：這並不是C.的兒子)：

D：我尋晚終於千辛萬苦同佢個仔做晒d功課！
C：點解呀？做咩功課呢？
D：學校功課囉！
C：咁有何難度呢又？
D：呵！佢完全不聽指令！你說東，他說西！患了過度活躍症，除了睡覺，任何時候都不能停！
C：咁點算呀？
D：做一題功課，起碼半粒鐘，淨係叫佢填個日期，又「魏」又「西」又跪又拜！ 如果我係佢阿媽，仲唔殺左佢牙！打都費事呀！
C：咁阿媽唔教佢？
D：首先，就縱壞左，到家下就唔識教喇！
C：咁你尋日點呀？
D：咁啱佢尋日超多功課，而我又可以好快咁督住佢做晒囉！
C：你用咩偈仔呀？
D：我要不停講50句，佢先行寫3粒字！咁你話我同佢做晒d功課，要講幾多粒字丫！！！！！！ 不停講50句喎！先寫一題喎！氣絕身亡咁濟呀~
D：仲要我同佢一齊做喎，即係我都要用腦啦！我都咁憎做功課，自己D功課都無做啦！
C：咁你講D乜呀要？
D：喂！黎黎黎！快d過黎啦！做完先啦！你一做完，我即刻同你玩三盤彈擦膠，加一盤UNO，快d啦！你又唗我時間喇！我地做快d，一陣又可以玩多幾盤喇！拿！宜家我地2個人做，對你未好囉！一陣我走左，你要自己一個人做，無著數喎！係未？
C：彈擦膠！！！點玩架？
D：彈擦膠呢樣玩意，有幸我都是識到佢先識玩咋！
C：嗯！我聽都未聽過添啊！
D：最慘係我up完呢段野，佢先寫左3隻字，又黎行開！！！

對住佢，我認輸 -_-'

D.