怨女

D，我用了五年青春去經營這段感情，換回他一句「分手吧！我地唔適合架！」，五年後既今日佢先講我地唔適合....我好唔甘心呀！

D，我...我好忐忑呀！佢...佢突然對我咁好.我..驚佢玩我呀！點算呀？

D，我好憎我自己呀！佢..佢對我咁衰...我都仲忍佢...我係未好cheap呀？

D，佢喺外人面前、喺我同佢屋企人面前先對我好架咋，扮野架佢...返到去，打回原形架！

D，過去既日子，我都盲左呀！我宜家開番眼喇！

D，大家好既時候，所有誓言都好似會實現咁架。分手既時候，先真係會醒覺，全部都係廢話！

D，嗌交既時候，所有難聽既說話都講得出，平時好少好少既事，我都唔記得喇，原來佢一直記住架！你話佢幾可怕丫！

D，點算好呀！我明知我已經唔愛佢架喇！但係...佢走左..我一個人對住四面牆，果種感覺好難受呀！

D，我太耐無拍拖喇！所以我知道呢個moment，就算唔係佢，係第二個，對我好，我都會唸得多左架！

D，我唔會原諒佢架，今日係佢負我呀，我要佢內疚一世架！

身邊充斥著各樣的情海翻波，
親愛的朋友們啊，
你又能否在以上的情況上，對號入座？

D.