情人節

二月十四日---【情人節】

二月十一日--- 早三天前我問身旁的男同事，訂花了嗎？「未呀！」訂枱了嗎？「未呀！」我驚問：吓！仲唔訂？？？你女朋友鐘意乜野花架？「唔知呀！」咁你打算同佢去邊到食呢？「去酒店食buffet囉！」去酒店食，咁你仲唔訂定？？？他斯斯然答我：使唔使咁早呀？於是我沒有再出聲，因為我睇死佢一定訂唔切-_-'

二月十三日--- 下午五點，我問他，訂花了嗎？「未呀！」訂枱了嗎？「度度都話無位呀！」他問我：咁宜家點算呀？
我問：你認為全香港得你地一對情侶的嗎？個個都走番屋企食飯牙？
他開始有點口震，咁...咁...咁...

其實我大可不用為他操這個心的，但是，我希望他女朋友會開心一點，(但其實佢開唔開心我唔知的，但起碼不至於會嬲啦！) 。

於是，我就唯有出動我的人情牌啦，首先打給我開花店的朋友，訂了一束花（還打了折 ^^)，之後打去相熟的酒店，訂埋位（又有八五折 ^^)，整個過程用了半小時，他呆呆的看著我，不懂反應。
我跟他說：你知唔知道點解你拍左咁多次拖，點解次次都比人飛你呀？(唉！他每段感情也維持不到一年-_-''')
他無言！

我說：你喜歡她，就著緊她多一點吧！你咁大個人，我唔話你喇！
......................................................................
唉！
都三十幾歲人啦！大又大個我，經驗又多個我，都唔知點搞既！！！

D.