正隆京川滬菜館

今天同事0係源記食左個Late breakfast，所以好飽，所以連平時好有主見的她。午飯也不知吃什麼。一直行到落漢口道，我建議不如杏花樓啦！但一去到，嘩！乜咁爆呀！
唉！唯有轉移陣地，去了正隆！時常路經加連威，每次見到板前壽司門前的人群與正隆相比，真是相映成趣。如今第一次竟然光顧樂道這間，短短一小時午飯時間，此店當然也其門如市，恰巧，有人起身，我與同事一個箭步衝上去，成功登錄。同事又話吃不下，飲杯豆漿即可！至在黎搭枱云云.....
唉！我夠係啦！你估我又想食咩！都唔知邊個陪邊個喇！
叫了排骨+水餃(3粒)拉麵，一杯豆漿($36)，另外加多碟西生菜($8)。
食物上桌，媽媽咪呀！！！
使唔使咁大碗呀？
排骨好味，水餃不過不失啦！拉麵都幾好！個菜好油，豆漿比左同事飲，佢話甜左d喎！
整體黎講，價錢出品各樣都合理既！起碼好過翡翠拉麵小籠包。
不過最攪笑係，唔知點解d服務員0係我地身邊走黎走去，神色慌張，又成日拎D唔係我地叫既野過黎，整件事趣味十足。

D.