自傷殘殺

我從小對魚並沒有太多好感，媽媽煮菜，有魚，我是不高興的。
魚，我只吃煎紅衫魚，其他的，我一致嗤之以鼻。
但長大了，除了價值觀改變外，口味也一併改變。
來到這間公司，第一次真真正正對魚類產生興趣，雖然小時候，阿爺也有養龍吐珠，但牠沒有比玩具更吸引我，所以我對牠並不關注。
這裡，養的都是金魚，有金色的，黑色的，有花紋的，腦生外向的，突眼的..........
剛來時，有尾黑色大突眼，竟然有天瞎了一隻眼，嘩！我都是第一次遇到，大家七嘴八舌猜牠為何瞎了，有的說被其他魚吃掉了，有的說給魚缸的膠吸管吸破了，眾說紛紜，不過最離譜莫過於有人話隻眼係會自己生番出黎之說囉！唉~~
我心唸：頂！我插盲你隻眼，睇你會唔會生番出黎丫拿！
最終，我地猶豫不決到底要將牠隔離，還是掉左佢定唔理佢之際，老闆話擺佢一日，睇佢聽日點先啦！講完呢句，佢就走人喇！我望住呢條呆滯既黑仔魚，覺得佢確實可憐，於是我就發自內心的上去D金魚網站留言，請教一下他人喇！(真係第一次咋！)回覆是牠不會再生番隻眼，而且不用棄牠於不顧，只要買D藥水就得喇！
好彩，人間有情。
第二日，阿黑仔雖然單左隻眼，但依然龍精虎猛，上帝保佑！

今天，不幸之事又再降臨。老闆發現有條魚竟然比其他魚食到得番棚骨，噢！！！無陰工喇！
仲要'輪'得好鬼乾淨果隻添喎。我睇下睇下，咦！未係條樣樣衰衰既大頭仔。
啊！真相大白了，原來之前佢個頭，係比其他魚食左既，唔怪得越黎越細啦，家下仲要比人0趙埋添。
啊~~原來D魚為左剷除異己係咁兇殘既，好鬼恐佈呀下..................

我肯定佢係衰樣衰啦！個腦生0係出面，一粒一粒，病變咁~~~~
算啦！佢一番黎，我都唔多鐘意佢架喇！
希望佢早登極樂啦！
善哉！善哉！

D.