京蔥牛肉炒麵

同事盛意拳拳問我一同用膳可好！恭敬不如從命，咁一齊啦！
落到樓，食乜好呢？呢個問題大家推黎推去，唉！貴我又唔想，平又無乜得揀。如此民生問題，確令人費煞思量。十字街頭，何去何從呢？
好，就等我決定啦！
北京道一號吧！好！地點有喇！
但食邊間呢？
同事話：帝廷啦！
啊！好！
上到9樓，嘩！乜事呢？咁墟憾呀！今日飲茶唔使錢咩！
趁lift門都未關，我地搭埋上10樓，往潮樓探探。
啊！乜事呢今日？？？兩位丫唔該；知客小姐回覆：起碼要1:30先有位喎！兩位，螺唔螺左飛先呀？
我與同事，四目交投，眼色一轉，轉而陣地！
嘩！1:30先坐低，開得茶，睇得食乜黎，D野仲夠唔夠時間食呢？使唔使埋定單先呀？如果食餐晏仔都如此貧能，咁不如食麥記算啦！

同事建議去正隆啦！唉！是但啦！Happy Friday個個都走晒出黎吃飯，香港經濟的確復甦喇！
坐低同事叫左個紅燒豆腐菜飯餐(包括菜飯大大碗，豆腐一碟，小白菜一碟，豆漿一杯，$42)，我就(京蔥牛肉炒麵一大碟，酸辣湯，熱奶菜，$42)。

1.京蔥牛肉炒麵，十個正！！！麵炒得不油不膩，牛肉超嫩，味道剛剛好！
2.酸辣湯，飲左兩啖，如果成碗飲晒，ok，乜都唔使食，走得喇！但味都ok既！(我咁唔鐘意飲湯，都話ok，咁真係幾ok架！)
3.紅燒豆腐，普通貨色，但個獻極濃。
4.菜飯，嘩！大碗到呢，兩個人都夠食呀！
5.小白菜，幾好！起碼唔油先啦！上次碟生菜，油到呢...........
4.實在太飽喇！打包杯奶茶丫唔該！
(皆因這是一間京川滬菜館，所以不能對這杯奶茶有所期望)

D.