HABITŪ THE PIER

地址 : 尖沙咀海運中心地下






一句：如果呢餐要我自己比錢的話，我會吐血。貴不貴，是另一個問題，值唔值，才是重點！

老闆話今日天氣好，所以全體一同午膳，佢話食HABITŪ THE PIER，好！橫掂我生日本來都係想試呢間，點知無位。今次，適逢其會，就試下啦！

裝橫，懶係簡約，但唔知點解D水晶燈，明明好好地，好靚咁既，又要用個罩罩住，嘩！大佬！成個feel錯晒呀！成間餐廳做到非常開陽，可以講係耀眼非常，成餐飯，我參唔多係矇起隻眼黎食既。我同同事叫了一個12吋pizza & 燒爐魚柳配菠菜意粉，老闆同男同事就要雞脾寬意粉，雞脾意上桌，賣相與氣味都ok，但我地order既魚意粉，確實令人失望至極，百幾蚊食碟咁既野，唉！
魚：細細舊，無味，燒得唔香(去'濃'食小黃魚好過呀！)
菠菜意粉：無菠菜味，好Q硬，(食大家樂肉醬意仲好！)

Pizza：皆因本人愛吃厚批，平時的薄批，我例必唔點既！呢度呢D又標榜正宗意大利菜，批底當然薄到無淪，脆到飛起啦！一句：不是我杯茶。所以我只吃了一塊。

甜品：不知名的蛋糕(碎架！)，配溶左8成既雪糕物體，再淋左兩野朱古力醬。(成碟野，唔知想點！)
餐飲：熱咖啡 (等左好好好耐，唔知杯咖啡去鬼左邊到沖，仲以為要搭80層電梯先運到黎！)好彩，杯咖啡幾香，味道唔錯，所以整頓飯，最好應該係呢杯咖啡喇！

好彩，呢個第一次唔使我比錢，如果唔係，真係背隻骨落啦！
所以我轉個頭就去7仔買左杯Nestle既Vanilla Toasted Hazelnut Bites補償下自己個胃喇！
個心都平衡番D.

D.