唯一麵家

厚福街10號地下

昨晚與友光顧唯一，我在尖沙咀橫行這些年，也是第一次走進來品嘗。雖然它位處厚福街，但每次我總與它擦身而過，可能是不好水餃，鍋貼啦！總知每次選擇總是甜蜜蜜，紅螞蟻，甚至食葫蘆館，我也未想過要食唯一。但朋友話想食上海野，咁是但啦！

佢發板order了無錫小排骨菜飯，東坡肉菜飯(條友仔，又話減肥又盛....)，煎鍋貼，凍豆漿兩杯。其實我本來係想食秶飯既，見咁耐無食，但在大佬主導一切既情況下，我唯有將「秶飯」兩隻字收埋啦！
在我倆等待的時光中，小昆蟲肆無忌憚的在食肆中穿梭，友在不停的講話，我一直看著他的咀巴一開一合，我是在慎防小昆蟲不識相的飛進去。

阿姐送上食物，嘩嘩嘩！我唸我三日未食飯都無可能食得晒呢碗菜飯喎，佢份量除左比沙田間唯一來得巨型外，餡料亦較多，除咗菜之外,仲有冬菇、蝦米。不過d飯就淋左d囉！無錫骨就甜左少少，東坡肉就像阿媽既鹵水豬肉(阿媽整得仲好食d添喎！)，鍋貼好油(個皮好厚呀！)，食完勁濟。

朋友個勢，有點像餓死鬼，但食到中段，腳步都開始放慢。而我，是一開始就採取放任態度，鬼咩！皆因見到碗飯，都經以飽左一半喇！

D.