墨攻

某日，老闆給我兩張"墨攻"電影票，我並沒有問長問短，他送，我便要吧！言謝後，退場。

日期：11月25日晚上七時
地點：TST嘉禾一院

與弟打算先買點零嘴才進場，但還有5分鐘便開場了，於是在seven買了包薯片後，便火速步向一院。但為何門口會塞滿人呢？我倆也疑惑"今天是首映嗎？"
但看格局又唔多似喎！成7點啦，條人龍仲咁長既？
於是我們連隊都無排，直穿過人群，走到前頭，看過究竟。
入口處，見3個人在派爆谷、汽水同水。於是便上前問，使唔使錢架？
唔使架，一人一份架，他們二話不說，就塞入我地手中，繼而進場。
就係咁樣，我地無端端就打左人地尖，坐係個位度，睇住d人入場，睇左成十幾廿分鐘。沿途見到「大福」既汽球，於是心裡都有個底了。

不然，參不多7點5，有個MC出來講野喇！
大福証券又上市十周年，回饋顧客之之類類，之後又介紹大福高層Wilson哥出黎講幾句。Wilson哥哥又出黎多謝一大輪，又話送每人一個精美坐檯月曆。(唉！究竟開場未呢？)

我倆坐在中間近走廊頭兩個位，因為太早入到黎喇，成行除左我地都未有人坐，咁即係一陣我地要側身縮腳比d人出出入入喇！(真係好位咯~)
OK!OK!戲終於開場喇！弟隔離兩個位還吉著，弟說會唔會係你老闆同佢阿哥呢？
嗄！(米玩啦！！！)

開場20分鐘後，來了兩名打扮入時的妙齡少女，雖然棲身於漆黑中，但因為我要(讓路)，所以都睇到他們是靚女黎既！正正坐在我弟隔離，但...

大家安安靜靜觀賞電影之際，他們大模私讓的講電話，講一兩句電話不打緊，URGENT的，請出去講！不然，請調較震機或將之關閉。但他所聊的，無聊至極....
ok~電話講完喇！他倆開始閒聊(!)沒錯...如此令人髮指的事~
我們仲要聽阿劉生講行軍作戰既計謀的~

當然，此時四周'吱聲'四起啦！

終於，正正坐在我前一排的女仕忍不住大聲呼喊，對著他倆說"shut up!"，但看來這句說話，起不了多大作用，因為戲情所需，配樂聲實在澎湃，所以收不到預期效果，他倆繼續...

還膽敢說：唉！好悶呀~~~
我心諗：嘩！真係五行欠打喎佢!

再終於，又有人忍不住向著他們大叫"你地黎傾偈定睇戲架？"
嘩！今期效果好好呀！即刻靜晒呀...因為呢個場口，套戲無人講野，又無配樂架~
所以全部人都聽到呢句，讓人心涼的話^^
..................................
散場時，瞄一瞄那兩女生，與弟說：坐在你隔離果兩個幾靚女架喎真係！
弟說：係呀！
我說：可惜帶左個樣出街，無帶個腦出街呢~~~

D.