西裝褸

一直想找件合意的黑色西裝褸。
找呀找，試呀試，最終也找不著。

究竟我想要件怎樣的西裝褸呢？

(我其實不能具體的說出來，反正一穿上身，我就知道合適與否。)
(這件的膊位唔fit喎！)
(呢個領好騎呢呀！)
(個袖好長下播！)
(點解佢做到個腰身咁長架呢？)
(嗯！我唔鐘意呢個質地啊！)

今天，我鎖定目標去尋找一件西裝褸，
(但通常都會買不成而買了別的東西)。

走去Club Monaco看看，不稱意，再轉入Joyce游了一個圈，連找件想試的也沒有。漫步時裝店，Jil Sander、agnes b.、Polo Ralph Lauren、Armani、Benetton、Jessica、OZOC、I.T、Cour Carre、CK、MANGO、Max Mara、Kookai、Ted Baker、ZARA，就連Giordano Ladies我也不放過了。
但，都找不到合意的。

朋友說要去Esprit買襪子，哦！好好好！步入店內，我問店員，你覺得你們今季那件西裝褸是美麗的，你就拿給我看看好嗎？店員呆呆的看著我，頓時不懂回應。我想是我的問法，確實有點問題。於是我決定重組我的句子，再問：我想找西裝褸呀，唔知你有什麼推介給我呢？
店員像如夢初醒般，一邊領我去看一邊跟我說了一大堆，他們公司這季行政裝束是怎樣怎樣的。黑色、灰色又會是流行(okok，我知我知，咁到底有無西裝褸適合我呢？？？)
我終於忍不住跟這熱心的店員說：不如你拎晒D西裝黎比我試啦！
他兩眼朝我一瞪說：吓！拎晒？
(嗯！我想不到我這句說話，又出了什麼問題？)
叫佢推介一件比我，又好似有點難委佢，我要佢拎晒黎比我，佢反應又出奇的大！到底想點呢？
朋友終於揀完佢想要既野，過黎問我：你試成點呀？
我說：我一件都未試倒啊！
於是朋友一手拉著我，走去收銀處付她的賬，並狠狠的說：你今日試左咁多間都唔啱，你今日唔會買倒架喇！其實買野都係講彩數架，你特登搵佢，就一定搵唔倒既！隨緣啦！

唉！呢個世界真係乜鬼都「隨緣」，呢兩個字真係好使好用呀！

咁我件西裝褸到底幾時先買倒呢？？？

D.