I-sobot

兩個小時裡，我拿著遙控器，將它舞來舞去 ，它確實讓我很開心 。
當它在做掌上壓的時候，我簡直開心到拍手掌，因為我覺得它好厲害。身旁的人見我開心得咁交關，就慫恿我買，我從來沒有買玩具的習慣。以前沒有，現在沒有，以後也不打算有。也不儲任何物件(衣服和書除外)，沒有喜歡的公仔，米奇老鼠，Hello Kitty....，全部我也沒有擁有的衝動。這隻機械人，玩一下別人的已很好，我沒有想過要買下它。
我問：你買左幾多錢呀？
男友人答：抵呀！宜家環球有九折呀！折左二千幾！仲要行貨！

二千幾蚊，你會拿來做什麼呢？
男士們不明白何解女士的化妝品、護膚品要那麼昂貴，買盒眼影、粉底，動輒也要數百元至上千元。
每個人對每件事物的價值都有自己的一套，也沒有什麼好說的！
一句「我鐘意」，而又有能力買的，旁人又能說什麼？
我身旁這班男士，以公司為家，擺放了很多玩具，很多的意思是你以為你走進了一家玩具店，你想玩鐵甲萬能俠嗎？這裡有。銀河鐵路 999 ，你想唔想玩呀？超時空要塞，你記唔記得佢呀？你有無掛住十二位黃金聖鬥士呢？搵小雲同小吉陪你訓教，好唔好？要打機嗎？X-box、PSP任你玩！想唔想重溫叮噹漫畫呀？可以任睇的。
佢地之所以帶咁多野番黎，當然係鐘意啦。但最主要既原因係，佢地係咁買係咁買，帶番屋企就會比人(此人多數是女朋友、老婆或媽媽) 狂「丙」！

下！又買玩具！呢隻野又幾錢呀！成日0徒晒D錢.............................................

就係咁，佢地就將所有玩具呀、漫畫呀、模型呀，擺晒喺公司喇！

而我呢，我就無買玩具喇，係買書啫。
因為我家的媽媽也會說以上的說話，於是我家下喺公司既書櫃比家裡的還大。

嘻！很開心！

D.