我要Beer 一 Beer.

King Ludwig Beerhall
梳士巴利道九廣東鐵站地面32號

它剛開業黎過一次之後，就無再黎過喇！朋友想食鹹豬手，咁去食德國豬囉！上次黎食午飯，小貓只得幾丁。嘩！今趟來，就唔同喇！夜晚氣氛果然唔同d呀下！

一黎手叫左杯0.5 Ltr既Maisel's Weisse，又幾好味播。麥味好重，又唔澀。食物方面，就麻麻地啦！不過眼見圍圍都有隻豬手坐陣，咁當然要食啦！我去德國果陣，就無食過豬手，所以正宗與否，不能定奪，但味道都幾好既！食下食下，叫多杯Warsteiner，呢個味道就普通d喇！味道好似嘉士伯咁囉！這裡有隊band，唔知係d客太嘈定係d音響太差勁，我完全唔知佢地唱緊乜！這裡的服務員，大多是尼泊爾人，服務態度尚算親切，但係唔知點解佢地送餐既步伐，就好似打衝風咁，在枱與枱之中，左穿右插。我懷疑佢地對鞋係有轆既，因為成晚我都覺得陣陣涼風，在我左右吹送。

食食下，酒又飲晒，大家都覺得Maisel's Weisse確是不錯，咁整多杯囉！
人體的血液裡，一旦沾上酒精，精神上自不然有點鬆懈，於是乎很多平常不會說的，不想說的，也會藉著酒來抒發。這股愁懷，吐多吐少，就看你個人的酒量了！

唉！朋友，我飲左三杯落肚啫，係唔會唔識返屋企架！

多謝關心。

D.