公司的佈陣

做生意的，公司擺過風水陣，屬等閒事。我的舊東家們，也各出奇謀請過不同的師傅回來，望高人能指點迷津，望有助事業大展鴻圖。

我看在眼內，不禁心生孤疑。
「啊！這樣便能有助事業興旺，公司轉虧為盈了嗎？」
我每次也像個觀眾一樣，看著師傅要老闆們遵守的神奇戲法。

師傅說：
(一)你要喺下個禮拜三凌晨三點返黎，將這張寫字枱移向門口方向45度。
(二)呢度有3間房，房門出面分別有3個位，比呢3個人既生肖我，我要幫你夾一夾；嗯！分別屬雞、牛、羊，好！咁啦！你地3個聽住，我宜家比3個牌你地，你地擺喺自己個位度啦！(這3個令牌是黃底紅字的，係師傅題字架，倍覺珍貴呀！)
(三)呢部水機，要擰向北面呢個位，水為財呀，對住門口，d錢出晒街啦！
(四)嗯！你呢個窗對住會展呢隻大龜，呢度要擺番對「龍」呀！
(五)公司要有「生」氣呀，擺d植物喺呢幾個位啦！....黎！呢度擺缸魚添。
仲有好多好多，不能盡錄.......

最後，我的老闆們，乜都唔使講，照做！

D.