下午茶

鈴...鈴....鈴.............

我：蝦佬~
友：喂！我一陣過黎尖沙咀見客呀！你食唔食下午茶呀？
我：吓！好呀！你喺邊度過黎呀？
友：中環
我：喔！咁係未食乜都得架？
友：係呀！喺我能力範圍買倒未得囉！
我：呵！呵！呵！咁得喇！我想食冬甩呀！不過唔食Krispy Kreme呀！甜到爛牙架！我食Das Gute得架喇！唔該~
友：要求真多！飲乜野呀你？Green tea frauppcino啦，好冇？
我：唔好！我想飲Babycham呀！
友：喂！你玩野咩！！！你返緊工架~
我：但我想飲喎！你買比我飲啦！唔該你啦！
友：唔理你！要介紹靚女我識呀下~
我：好呀！無問題，但你想識D咩靚女呀？
友：嗯！！斯斯文文，長頭髮，白白淨咁啦！
我：吓！你鐘意我牙？？？
友：頂！你咁鬼腌尖！邊個得鬼閑鐘意你呀？
我：車~又係你自己話既......講左又唔認!!!
友：一陣我打比你落黎攞啦！
我：好野！！！但係呢....你可唔可以買多份呀？
友：又買比邊個呀？都話你麻鬼煩架啦！
我：買比我朋友囉，佢都係喺尖東返工架！
友：靚唔靚女架？
我：靚架靚架！好型添架佢~
友：嘖~識到你都唔知係我唔好彩定你好彩呀！
我：嗯！我覺得係你好彩囉！上天比個機會你請朋友食野，即係比你積褔呀！咁你以後要對我好D添喇！我會祝褔你一陣單生意馬到功成架！放心~
友：@$%#@$&#@*)%#!@

D.