映月樓

香港文化中心餐廳大樓1樓

拿！如果有得揀，我唔會揀呢間野飲茶！不過凡事總有第一次既又！唔黎過又點知佢那麼不濟呢！！！

景觀，其實與我樓下翠園一樣，只不過近會展多DD咋嘛！
環境，係D水晶燈幾大同幾靚，無其他喇！
食物，不會好好吃！只算不過不失！仲要帶幾分失望添呀！(車！原來又係美心~~~)
價錢，貴！

好！無下次！
~~~~~~~~~~~~~~~~~~~~~~~~~~~~~~~~~~~~~~~~~~~~~~

(1)茶位：兩丁(9蚊位)
(2)炸雲吞：D餡少到鬼咁！
(3)叉燒穌：不過不失啦！算好架喇！
(3)四寶扎：得平時size的1/3，腐皮包住雞，火腿，魚肚及雞批菇，好聽d講係精緻，難聽d講係縮水！
(4)春卷腸粉：個名本身好長既，但我唔記得喇！一黎到，成個外形好似炸兩咁款架！食落就真係絕無驚喜可言喇！都算喇！正正經經兩樣野未好囉！腸粉包住舊春卷，但不倫不類在於，佢用西餐既長碟盛著，懶係糅合中西fusion菜咁，但係確實失望！
(5)荷葉飯：拿拿拿！呢個就真係要爆粗喇！一個小蒸籠盛著一隻珍珠雞咁款，收我成28蚊，去死把啦！
(6)馬來亞喳咋：呢個好味！料都足！($16)
(7)蓮茸焗布甸：上桌時，覺得賣相非常過癮！開頭食落感覺奶味極濃，食到戲肉，嘩！D蓮茸甜到呢~~~我好似要食藥咁呀！一路食一路灌左3杯水，乜事呀！大哥，好重手下播！我嗜甜都頂唔蒲呀！膩到無人有，甜度高出正常標準九阿幾倍，正常人絕無可能食到。
短期內，蓮茸焗布甸唔會係我既選擇，係咁多！

結賬：HK$203.xx (下次，食番海都呀，遠都係咁話架喇！)

D.