人，從來難懂！

他：我不懂你！
她：在別人眼中看來或許浪費生命，但在我而言，任何過程只要是有愉悅成分，便不算白過一遭。享受寂寞，也是快樂的一種方式，不是每個人都擔得起的。

D.

我投降！

我：喂！大哥！點解我部機三五七日就頭暈身慶架！我真係唔想再見倒你喇喎！
IT人：我唔知！check緊！
我：今次明明係佢部機有事，點解你又要睇我部機呢？
IT人：因為我啱啱睇到你部PC唔連個network丫嘛！
我：下！又關我事 ~(*%^$#@%$#$E%$&)
我：喂！咁都唔係辦法喎！有咩偈呀？？？
IT人：不如你貼張‘鍾馗’喺度啦！
我：做咩呀！邪一邪佢牙？
IT人：你唔夠殺氣呀！
我：啊！都好播，咁唔該你下次再黎果陣，帶張比我啦！

D.

我的飲品

站在便利店的大冰櫃前，我大多呆站數分鐘。因為我不知道要喝什麼。但是我渴，於是迫不得已的來這裡尋求解渴的方法。

但，那些可樂、雪碧、蘋果綠茶、金桔檸檬，一整櫃五顏六色的.........我通通不愛。

每每最終，我的選擇，是「水」。
...........................................................

我常喝的，來來去去都是那幾種。
水，是必喝的。
奶，心頭好。
茶，也愛。
酒，看心情吧！

咖啡，成了日常。

D.

翠亨邨茶寮

美麗華商場地下

數個月沒來翠亨邨了，懷念這裡的招牌炒米粉。
今天的炒米粉大碟得很，蝦也多，味道也鮮美！
還點了帶子蝦燒賣，這個味道也不錯，不過一顆燒賣裡有蝦、有豬肉，有帶子，有蟹子，如此大堆頭，抵晒啦！本來想回味一下個焗西米布甸的，但服務員說，師傅唔整呢個架喇，不如試下新出既椰香乳燕啦！啊！咁試下囉！
嗯！賣相就似焗布甸咁款，面頭好多燕窩。
同事說：嘩！咁多燕窩呀，會唔會係大菜榚黎呀？
我話：唔會掛，係都懷疑許留山果D先啦！
不過，就唔係咁好食囉！
同事覺得呢個甜品，食完都唔係好實在，又很想回味一下嶺南紫米糍的煙韌甘甜，於是打包回公司品嘗。
點知，我一試，點解嶺南紫米糍唔對辨既，上次食好似唔係咁架喎！好難食呀~
究竟之前翠亨邨既甜品師傅去左邊呢？

D.

想愛不相愛

歌手: 王菀之

越近越失望　聲線動作太清楚
沒有了感覺　沒可能從頭再喜歡過

有病就陪自己禱告
疲倦了不寄望能被抱
然而若你擔心我
要知天空跌甚麼也要好好過

情若轉淡　想愛不相愛之間
等不到的不應再貪
快樂被冷淡及時拖慢
下決心多想喊仍然學放膽的去揀

無用慨嘆　心痛只需要歸家
分開了　眼淚你有嗎
從前入黑開燈都不夠膽　也已成習慣
................................................................................................................
他說他喜歡我， 我不訝異。
你有你的權利去喜歡我，我不問為何。

但，
這個他，
我、不、喜、歡！

D.

自暴自棄，是不對的！

原以為食物可以將哀愁沖走，
但原來只是一廂情願的想法；
我們生活在這狹小的空間裡，
事情何曾讓你稱心如意過呢！

D.

儂本多情

情愛就好像一串夢
夢醒了一切亦空
或者是我天生多情
方給愛情戲弄
同妳 在追續一個夢
夢境消失歲月中
唯有 在愛中甦醒時
方知愛情非自控

我渴望自由讓我衝天飛
當初的我太衝動
日後我要是仍想到你
應信當初情深種

情愛 就好像一串夢
夢境生於意念中
如妳共我心願相同
一生愛情都白送

這是甚麼？

小妹妹問：D姐姐，這是甚麼？
D姐姐答： 香港叫-膠布 /國內叫-止血貼 /台灣叫-OK繃

十分鐘過後，
D姐姐再問：妹妹，仲記唔記得呢個叫乜呀？
小妹妹答：umh......umh......係未流血膠紙呀！
D姐姐：-.-

D.

掠過飄散

濃霧吹不散，
如同心裡的陰霾；
以為撥開了，
原來化不開。

D.

克己

就是知道有人愛，
那愛便會變得理所當然；
就是因為你愛我，
我便肆無忌憚的將自我表露無遺，
話也失去分寸；

為何大家總愛在言語間傷害愛我們的人，
克己原來不止對過客，
對愛你的尤其重要。

D.

如何去愛？

火車搖得晃，
晃得亂了心神，
翻著腦內的抽屜，
想起兒時的逸事。

爺爺疼我，嫲嫲疼我，
爸爸疼我，媽媽疼我，
就連大我一歲的小姐姐也疼我。

我在愛中成長，
長大了，
卻吝惜去愛人。

D.

兩面睇

我眼中你是「古惑」的，你說那是「醒目」。

啊！
好，你話係未係囉！

D.

必殺技

記得，初相識時，你已顯露出一副公子哥兒的格調。
並跟我說「追女必殺技」的五項要點！

...、...、說話玲瓏、活躍好動、最緊要荷包夠鬆動。

頭兩項，我諗極都諗唔起，究竟係乜呢？

D.

感謝？

若你迷戀的只是我的皮相，我該說聲感謝嗎？

D.

相沖相克

年尾已裝嵌一部新的電腦，OKOK，一切有個新的開始，過年回來，上唔倒網，啊！原來台灣地震，PCCW受影響；可是，日復日，個個都上倒msn喇喎，點解我部電腦網又上唔倒，公司既share folder又打唔開，print又print唔出。咁點send e-mail呀，乜report都唔使交啦！部電腦真係同我一樣咁「獨立」喎。唉！情況就正如斷手斷腳一樣，斷絕外界一切通訊。

全公司得我一個用wireless，我唔知點解係得我一個用，諗住用公家果部iMac check個email同搵下料啦，點知佢既命運同我一樣，不能連線。唉！我又唔可以成日問同事借部機黎用下，人地都要做野加嘛！(down到谷底…..)

好了，終於有人黎檢查喇，哥哥仔話個wireless router燒左喎。好啦，咁換左佢啦唔該。一天過後，我覺得天意確實弄人，點解上到一日咁多，又會上唔倒架呢？鑊鑊都係咁，IT人次次喺度，部機都會乖乖聽話，人一走，就唔聽我話架喇！
今次又係我上唔倒網，而部mac機就時得時唔得。電腦人話可能我個window有問題喎，嘩！哥哥仔，部電腦都係你地啱啱裝架喎。

於是，我又要等人黎睇佢喇，真係一波三折呀。
到底佢幾時先生性架呢，在每天不能連線的日子裡，天天我與它，互相對望，我真係想一野「車」爆佢囉！

家下，無得上網，就好似拿手唔成世咁，周身唔自在，一按power製，有咩可能唔開msn架呢，就算mailbox，有排山倒海既junk mails，你都要死死地氣去check架啦！朋友相繼打黎問：咦！你轉左工咩？唔見你online既？

我……我……無語問蒼天！

D.

啱唔啱FEEL~

什麼是feel呀？
時下的人喜愛講feel.
「感覺」這種東西，虛無飄渺，稍縱即逝。
何等不牢固！

D.

心計

人前，我的自我，藏於底.
你能看出我的真我，是因為我願意表露，而不是你有多大本事。
人心從來難測。攻心計的遊戲，不是誰也懂得玩，看的是誰較高章。

D.

沒水準的咖哩豬扒飽~

剛剛吃了麥當勞的板燒咖哩豬扒飽，嗯~~~
只能說，不會再吃。

閣下即管試試，試過便知道。

D.

日本料理

第一年認識你的首個生日，你與我到西村食飯，首次單獨共處，大家也有點拘謹，話也不多。昨日與你到壽司廣共膳，已能從容，但話也同樣不多。
你的問題，我多以微笑回應，因為我不想將心底的答案告訴你，這使我不自在。
有感覺不代表心靈相通，與你的觀點，從來不能共融，所以微笑，就是最好的相處模式。

D.

你明唔明呀？

與人溝通，大家最常說的是：你明唔明呀？
沒錯，我們最怕別人‘唔明’ 我們的意思。

D.

無奈

我不能明確地道出我的沮喪，電腦不能用，家裡的，公司的。由2007開首至始，不如意事何止八九。

D.

高跟鞋

這一兩年間，每天腳踏2吋或3吋的high heel，已練得一身好武功，就開始時一睬進坑渠蓋面的小孔，會尖叫連連，尷尬得面紅耳赤，到現在就算地上遍佈陷阱，上斜落斜，狂風暴雨，我也能從容不迫的一一跨過。

D.

The Quarterdeck Kowloon

海港城海運大廈地下OT G53號舖

這家餐廳，是我最近的驚喜。午飯時間，人不會多，第一次來，由麵包、salad、主菜、甜品到餐飲，我也很滿意。主菜點了BBQ ribs，很美味，烤得很香，味亦濃。第二次來，有菠菜批，嘩！正啊~
這裡的服務員也很友善，我與同事也吃得歡懷。

其實假若要與客人吃頓不失大體的商務飯，來這裡就好了，食物好，有海景，太用等位，價錢實惠，一定好過街頭的Panash、Stonegrill同Habitu The Pier囉！

D.

我的白

從小，我很白，是人家告訴我的。
十個人看見我，十個都會說：嘩！你好白呀！
沒錯，我的白，是能與西人比併的。

在這個追求美白的年代，朋友們也很羨慕我。
你說：「白」好丫，我鐘意女仔白。
人家說：一白遮三醜！
................................
好了，到我講喇！
首先，對左自己咁多年，係唔會覺得自己白既！
仲有，一白點遮三醜呢？我D雀斑同你say緊hello喎！
再黎，我的白又沒為我帶來名，帶來利，帶來真愛，
咁...借問聲，又有幾好呢？

D.

我唔靚架！

阿姐：(大聲呼喊)靚女，早晨！
在下：阿姐...早晨！嗯嗯.你可唔可以唔好叫我靚女呀，好尷尬呀！都唔知應唔應你好！
阿姐：車~係靚怕咩應呀？
在下：下！我...我邊靚呀？(殊...唔好咁大聲啦！)
阿姐：皮膚白滑，唇紅齒白，咁仲唔靚牙！
在下：(無言~)

D.

點解既？

你：點解男仔，女仔都咁鐘意你既？
我：下！邊係呢？你都無鐘意我！
(雙方無言十秒)
你：拿！呢個係你覺得咋，我無講過呀！
我：哈哈哈......

D.

生？唔生？

他：你不愛小孩？

她：不愛。(回答得没一點遲疑)

生性的自私自利，以自我快樂為生命意義，絕不輕易去負責另一個生命體的喜悲生死。别說孩子產生會必然造成自身腳步的躊躇、無法再任意來去，孑然一身只須管好自己便無掛念；最重要的，我不確定自己有沒有偉大的母愛去教養一個純淨的生命體，將他由無知的小娃娃引導成獨立思想，並且身心健全的個體。太偉大的責任，向來為我所排斥。

他：我以為你有些喜愛我。

她：是，但還不至於喜愛到想佔有你，坐上太太的寶座。或者說我這廿幾年的生命中從不去產生佔有心去霸佔任何東西；一但有了所有物，就是一種負擔，既然生命的起落向來生不帶來、死不帶去，我更是無須去得到太多東西；既然不能為我所完全掌控，那我索性一律低調看待，我只要安好地打點我自己就行了。

有人說：不生小孩，是自私的一種行為。因為不想負責任。
這，我當然不會評論這對錯與否，因為生與不生，都是個人選擇。

D.

歸位~

千辛萬苦，我終於又上到黎喇！
2007年，開首已諸事不順...
有咩，聽日先講啦~

D.