楊千嬅

今天朋友致電給我，劈頭第一句：
喂！我有楊千fa演唱會飛今晚，睇唔睇？

喔！好呀！睇囉！

(嘻嘻！上次有得睇古巨基演唱會，我和朋友的對答完全一式一樣，今次又有得睇免費演唱會，YEAH！！！)

****************************************************************
首先，對楊小姐的人與歌及戲，我並沒有特別喜惡。但這個演唱會我看得很開心，開心是很個人的事，或許與楊小姐無關。可能主要是我和身邊朋友們有很多交流吧，讓我非常歡愉。我一路欣賞表演之時，腦內不停在轉動，現在就告訴大家我轉了些什麼出來吧！

*楊小姐第二套出場的套裝，cutting十分有趣(但又不是漂亮喎)前後都有對手的，我一看到，便大叫：哇！呢隻粉紅色係菊花牌手套果隻粉紅黎架！！！身旁二友頓時笑問：你點知呀？我說：因為我洗得碗多囉！(他倆頭頂突然一排烏鴉飛過....)

*她這次演唱會有好多大頭公仔，有愛麗絲夢遊仙境的兔仔，有一隻冬菇頭的公仔，帶副紅眼鏡(之後楊千嬅先講這個是小千嬅)，大頭小千嬅一出場，我又大叫：哇！好得意呀好得意呀！我想同佢握手呀！我大叫之餘，我身旁的友又在大叫：哇！我黎架我黎架！(其實佢又講得無錯喎！我朋友既造型又確實如此喎！)於是，我地兩個就即刻握起手來，繼而放聲大笑！(身邊的其他朋友頭頂又有一排烏鴉飛過.....)

*除了兔仔和小千嬅外，還有一個男仔的頭，我不知這個頭代表什麼，但十分醜怪，我悄聲跟冬菇頭朋友說：我想一腳兜走這個頭呀！她說：我也是。(嘻！我地真夾！)突然又有四隻眼球出來，只有兩隻有眼睫毛，還曉眨眼，但又只有一隻眼狂眨而已，於是我又大嚷起來，點解個隻成日都唔眨眼架？冬菇頭朋友便答我：可能佢個機關壞左呀！我說：無可能既，第二晚咋喎，咁快壞？我覺得係佢攰囉！隻眼咁重，佢懶得眨呀！(我真係咁覺得架喎^.~)之後又有一對不同顏色的大嘴唇出來，我第一個反應係：用左唔同顏色既唇膏喎！於是我又問冬菇頭朋友，你覺得佢地一陣會唔會kiss呀？她說：咁大個嘴，點kiss呀？於是我繼續問：一陣唔知會唔會有耳仔出黎呢？話口未完，這兩個器官就撤退了。走來木偶奇遇記的木偶出黎。它的鼻子真的會伸長的啊！當它一伸出來，我和冬菇頭不約而同大叫：好樣衰呀佢！(哈哈！我們真夾！)

*楊小姐今晚的晚裝不錯，大多是low cut的款式，這才發現原來她是十分白的。跟朋友說：楊千嬅原來咁白架喎！他眼睛反一反白便說：係呀！不過你仲白過佢呢？(嗯！這點我否認囉！)

*嘉賓梁漢文出來當然是合唱《滾》，大家當然有反應啦，但都唔及古天樂出場勁囉！古先生一出場，D掌聲大到拆天，當時我心諗：古天樂你千其唔好唱《今期流行》就得喇！
好彩！佢出黎只係伴著楊千嬅唱歌架啫！最後，臨走，kiss左楊小姐囉！
哇！又黎拆天呀大家！！！

*另，因我今日坐得好前，眼見四周的人也拎著部電話或相機，拍呀拍，拍得又唔係好！但其實有乜好拍呢？咁鐘意睇佢不如買DVD重溫好過啦！！！
(這是我看演唱會一直想不明白的地方啊！)

究竟有無人答到我，點解架呢？

D.