刻苦耐勞

打開「Recruit」，看看裡頭的招聘廣告，有時也使我很快樂。

有一項，僱主要求求職者：刻苦耐勞

說到刻苦耐勞，我只想到神聖的牛。

又有那個僱主不希望員工刻苦耐勞呢？

人的韌性不一，對「苦」的界定有異。
精神上的苦或肉體上的苦，大家都得忍嗎？
現有還流行這句「吃得苦中苦，方為人上人」的嗎？

面試：

僱主：你來應徵呢個職位，你覺得自己能否勝任？點解呢？
求職者：我覺得呢我可以是因為ba ba ba ba..............
(唉！都未上任又點知能否勝任呢？)

僱主：你覺得自己有乜優點，我地要請你呢？
求職者：因為呢我既優點就係ba ba ba ba..............
(唉！你又覺得你公司有乜優點，要人留喺度呀？)

僱主：呢份工好辛苦架喎？你會唔會頂唔順架？
求職者：嗯！應該都唔會既，因為ba ba ba ba............
(有幾辛苦呢？你可以比倒幾多錢我去吃你既苦呀？)

僱主：你之前份工點解要走呀？
求職者：啊！係因為呢ba ba ba ba..............
(我可以答你好多原因，但其實原因得一個：覺得唔啱未走囉！)

僱主：你開既價係咁多咁多，點解你覺得我地要用呢個價請你呀？
求職者：咁係因為我ba ba ba ba..............
(你比唔比得起呢個價請我丫？比唔起就無謂再講喇！係咁先！)

其實以上的ba ba ba ，全都可以是廢話。如果吃了誠實豆沙飽去見工，僱主一方可能更加會被反問到口啞。其實做人，演技總要傍身。說得動聽加誠懇，可能又有得加分。大家第一次見面，我給你講到我能飛天遁地又怎樣，到最終，可能被我嫌棄的是你。 想想，求職跟求偶有何差別，你揀人時，人揀你。大家都有選擇的權利。

人生總是難免吃苦。生老病死的苦，尤其最痛。
工作是人生的一部份，當然吃苦在所難免。員工也好，僱主也好，大家都得承受大家的氣，承受不一樣的壓力。雙方都有自己的立場，如果誓要吃苦，其實大家都在吃。

其實打工仔最好的了，可以話走就走，門口就在那頭。

「刻苦耐勞」是傳統美德；
但，要看在什麼事情上吧！

D.