港鐵東鐵線九龍塘站女子墮軌喪生
【09:18】2008年10月15日
【on.cc專訊】 上午9時許,一名女子在港鐵東鐵線九龍塘站,一列往旺角火車駛至時,有目撃者稱見該女子突然躍下,女事主撞毀列車的車頭擋風玻璃,後再捲入車底,消防員到場將女子救出,但她救出後證實喪生,列車服務一度受影響。
-------------------------------------------------------------------------
【09:29】 我還在睡夢中,弟弟打來問我,大圍有什麼巴士出灣仔,我想一想,一時間又想不到,於是我說,你求其上架車出左九龍先啦,再轉囉!但心裡覺得奇怪,好好地搭地鐵,何解要轉巴士呢?於是我問:發生咩事呀?弟說:九龍塘有人跳軌呀!我喺大圍等左半個鐘喇!我話:吓!咁你快D搵第架車啦!收線後,事情我完全擺低左,繼續尋夢。
【09:47】 電話鈴聲再次響起,來電顯示是我妹妹,按了通話掣,只聽到她的哭聲,我魂也即時回來,我問:咩事呀咩事呀???唔好喊住丫,做乜野呀?她斷斷續續的說:頭先有人...跳...軌呀.....,佢一......直.喺....我隔離.架......(尾後的全是哭聲)
我:你唔好咁啦!慢慢講,你宜家喺邊呀?頭先點樣呀?你睇住佢跳牙?
妹:我喺公司樓下間茶餐廳呀,男朋友叫我平復左先上去呀!
我:咁頭先到底發生咩事呢?果個人直程喺你隔離架?點樣架?男定女呀?
妹:佢...同我...一齊坐喺度架....架車埋...離....佢就跳...左落去喇...
我:咁....(唉!喺呢D位,我都唔知自己講乜好!)於是唯有繼續問:佢點樣架?係未好正常架?
妹:佢正常架,長頭髮,著黑色西褲,黑色衫,我望著佢,佢又望住我,跳之前,佢仲補緊妝呀....(尾後的全是哭聲),佢.....架車撞埋佢度.....好大聲......
我:唔好咁啦!唔好咁啦!我過黎陪你啦好無?
妹:(繼續喪喊)
------------------------------------------------------------------------
我呆一呆,發現兩個問題
1.如果發生如此突發的事,目擊者,除了驚恐外,真是什麼也做不到
2.耹聽者(即我),除了聆聽外,我不懂可以說什麼可以安慰她,所以同樣什麼也做不到的。唉!
如果係你,你會點做?
D.